XOGOS EDUCATIVOS

💚💛💜💗💙💚💛💜💗💙💚💛💜💗💙💚💛💜💗

Hoxe propóñovos un novo xogo en familia: as sombras chinesas, unha arte traída da China. Tamén se coñece como "teatro de sombras".

Aquí déixovos os pasos para que fagades as vosas propias sombras chinesas:

1. Atopar un anaco de parede plana e lisa, sen decoración.

2. Enfocar unha luz potente (dunha lámpada, lanterna...) á parede.

3. Poñer as mans diante da luz para que se proxecte a sombra na parede.

Neste vídeo podedes aprender a facer sombras de animais:

Fonte: https://www.youtube.com/watch?v=FUgcj4sGOfQ

📌Para os máis aventureiros e aventureiras propóñovos representar un conto a través dun teatro de sombras. Fixádevos neste exemplo:

Fonte: https://www.youtube.com/watch?v=wFWcqD_5frI

Para facelo precisades este material:

✔ Unha caixa (por exemplo de zapatos).

✔ Papel de seda branco (podedes probar con papel vexetal, aínda que é máis groso).

✔ Cartolina negra (para facer os debuxos).

✔ Pauciños de madeira.

✔ Tesoiras, pegamento... 

E aquí tedes os pasos (podedes ver un exemplo xa feito na imaxe de máis abaixo):

1º paso: 

Colle a caixa e corta unha ventá no fondo.

2º paso:

Recorta un rectángulo de papel de seda branco un pouco máis grande que a ventá que fixemos na caixa. Cando esté recortado, pegámolo na caixa.

Fonte:https://www.pequeocio.com/manualidades-ninos-teatro-sombras/

3º paso:

Para facer os títeres, debuxamos as siluetas dos personaxes na cartolina negra e recortámolos. 

4º paso:

Agora pegamos as siluetas aos pauciños de madeira, que nos servirán para suxeitalos (podes pegalos con cinta adsehiva).

 

Xa tedes todo listo para comezar a representar a vosa historia! Lembrade que tedes que aplicar os mesmos consellos de luz que vos dei para as sombras. Seguro que vos divertiredes moito!